Este curso que comeza mudaremos as nosas travesías mariñeiras por camiños de terra. Tentaremos que a experiencia sexa igual de enriquecedora que a que acabamos de "vivir", introducirémonos en terreo agrícola para seguir investigando, coñecendo, aprendendo, e sobre todo disfrutando. Contamos con todos e todas vós para facelo posible.
Hoxe tocoulles aos meniños, pero un par de semanas atrás abandoaban o cole os nosos inquilinos do acuario. Aproveitando a celebración do día do Medioambiente, 5 de xuño, devolvemos os animais mariños ao seu hábitat, e baixo o lema "Somos Azuis" quixemos poñer o peche a un proxecto, que sen dúbida nos marcou a cada un de nós.
Gran traballo realizado polos alumnos e alumnas de segundo. Primeiro inventando adiviñas relacionadas co proxecto, para despois, coa axuda das súas titoras e da profe Mari, que os apoia en informática, aprender a elaborar fantásticas presentacións. Deixámosvos aquí o seu traballo, porque aparte de estar xenial, vos queremos convidar a xogar con nós.
Impresionante traballo realizado polo alumnado de sexto A, no que a maiores de presentarnos a información obtida nas súas investigacións, nos deleitan cunhas láminas de gran calidade artística. Deixámosvos esta presentación para que poidades disfrutar do traballo, pero non perdades a oportunidade de gozar del na nosa biblioteca.
O pasado venres, os nenos e nenas de infantil, primeiro e segundo, disfrutaron dos obradoiros da Familia Abrelatas, dentro do programa de Ponlle as Pilas ao teu Bocata. Xuntos xogaron, experimentaron e prepararon uns bocatas con ingredientes especiais, as conservas.
No seguinte video deixámosvos momentos que podedes compartir con só darlle ao Play.
O alumnado de 6ºA, ao máis puro estilo periodístico, realizou unhas enquisas a xente relacionada co mundo do mar. Aquí nos deixan unha mostra do seu gran traballo.
Acabamos de celebrar a semana europea nos corredores do noso cole, para conmemorar o 9 de maio Día de Europa. Cada aula estaba representada por un país europeo, facendo unha sinxela investigación sobre o mesmo, e presentada nas portas da aula, a través do alfabeto nautico. Os nosos nenos e nenas andiveron esta semana na procura das pistas para adiviñaren o país dos seus compañeiros, enchendo os nosos corredores de momentos que da gusto ver.
Os nosos compañeiros de sexto B prestáronnos este xogo feito por eles o curso pasado. Foi toda unha sorpresa atoparse con el, e non puidemos deixar de probalo. Pasámolo en grande!!
Porque un proxecto nútrese das ganas e ilusións de todos os que o forman, hoxe damos as grazas a ese pedazo de equipo que é o EDLG do noso cole. Grazas por crer, grazas por sentir, grazas por "vivir", grazas por facelo posible.
Nesta data conmemoramos o día de Europa. Para elo diseñamos unha actividade para levar a cabo en todas as aulas de primaria. Consiste en escoller un país europeo por nivel, e facer unha pequena investigación sobre o mesmo, buscando información como a capital, o idioma etc. plasmandoo na ficha que entregamos aos titores.
Unha vez recabada dita información comeza o xogo. Temos que tentar averiguar que país representa a cada un dos niveis. Para complicar un pouquiño a cousa, introducirnos na linguaxe non verbal e relacionalo co proxecto a información recabada vai estar presentada a través do alfabeto nautico, posiblemente na porta de cada titoría. Para descifrar a resposta, presentada con bandeiras, ides ter un mural na cima das escaleiras coa correspondencia entre bandeira e letra. Cada nivel centraráse na mesma pregunta para todos os países, é dicir, primeiro tentará averiguar que países son o resto dos cursos preguntandolle a todos pola súa capital; segundo, polo seu idioma, e o resto como aparece naficha que vos deixamos máis abaixo. Esperamos que o pasedes xenial, á vez que coñecedes un chisquiño máis este voso mundo!!.